Nid taith i goncro Rhodes mewn 7 diwrnod yw hwn.
Wedi chi gyrraedd byddwn yn eistedd i lawr gyda diod oer i dorri syched ac yn sgwrsio er mwyn darganfod yr hyn yr ydych chi’n ei ddisgwyl o’ch gwyliau ac yn eich holi ynglŷn â’ch profiad cerdded, bydd hynny’n ein galluogi ni i wneud awgrymiadau ar y teithiau rydych chi wedi’i ddewis a pha mor addas ydynt ar eich cyfer. Bydd ein harweinwyr cerdded yn  gwerthuso eich gallu yn ddyddiol ac yn eich annog i wthio’ch ffiniau a byddwch yn siwr o synnu’ch hun ynglŷn â’ch gallu. Rydym eisiau i chi fwynhau eich gwyliau felly byddwch yn onest gyda ni am eich gallu, a thrwy  wneud hynny byddwch yn siwr o gael y gorau allan o’ch gwyliau cerdded.

Graddfeydd y Teithiau Cerdded Wedi’u Hegluro

Hawdd:
Llwybrau Côl Tar, ffyrdd

Cymedrol:                                            
Llwybrau wedi’u paratoi, llwybrau pridd, llwybrau coedwig

Anodd:                                            
Tir garw anwastad gydag ychydig o gerdded mynydd, cerdded drwy lefydd diarffordd ar adegau:

Anodd Iawn:                                        
Tir garw, profiad cerdded yn angenrheidiol

Anodd Eithriadol:
Mae’r raddfa hon  yn golygu sgrialu dros greigiau ac efallai y bydd ychydig o ddringo creigiau yn angenrheidiol. Ni chaiff mwy na dau berson i bob un arweinydd eu cymryd ar y teithiau hyn. (Nid yw’r math hwn o daith yn cael ei ddisgrifio ar y wefan hon;  maent ar gael yn unig ar ôl i bobl gael eu hasesu gan ein harweinwyr cerdded.)

Offer:

Bydd angen y canlynol arnoch:
Bag cefn sy’n dal isafswm o 20 litr
Esgidiau Cerdded (rhaid eu gwisgo a’u profi cyn eu defnyddio’n iawn)
Sanau trwchus - sawl pâr
Trowsus hir ar gyfer cerdded – rhaid iddynt fod yn rhai ar gyfer yr haf
Coesarnau (gaiters) ar gyfer cerdded oddi ar y llwybr, er mwyn amddiffyn rhan isaf y goes rhag perthi bychain, pigog.
Siwmperi cerdded, gwisgwch nhw mewn haenau, bydd yn glaear yn y bore a chyda’r hwyr.
Trowsus a siaced wrth-ddŵr gyda dim leinin ynddynt.
Het haul: cofiwch am gefn eich gwddw.
Eli haul: defnyddiwch ffactor uchel bob tro. Fydd dim modd i chi osgoi’r gwynt poeth.
Cludwr dŵr: y math delfrydol yw’r chwysigen sy’n eich galluogi i yfed wrth gerdded.
Cemegion ymlid pryfed.
Bydd gennym ni offer cymorth cyntaf bob amser ond os ddewch chi â rhai eich hunain mae hynny’n iawn.
Sbectol haul, mae’r cerrig yn tanbeidio yn yr haul felly mae sbectol haul yn hanfodol. Prynwch y math sy’n amddiffyn eich llygaid rhag pelydrau uwchfioled bob tro.